რამ გამოიწვია 2009 წლის “გაზის ომი” რუსეთსა და უკრაინას შორის?

ნაშრომი წარმოადგენს რუსეთ-უკრაინის 2009 წლის 1 იანვრის  გაზის კონფლიქტის ანალიზს და ეხება ქვეყნებს შორის ენერგეტიკული პოლიტიკის წარმართვის თავისებურებებს. მისი მთავარი მიზანია გამოიკვლიოს აღნიშნული კრიზისის გამომწვევი პოლიტიკური მიზეზები და გაამყაროს თეზა ეკონომიკური ფაქტორებით დაწყებული კონფლიქტების უკან პოლიტიკური მიზეზების არსებობის შესახებ. კვლევის მიმდინარეობისას ხდება აღნიშნული ზოგადი ჰიპოთეზის დავიწროება და შედეგად საკვლევ კითხვაზე ჰიპოთეტური პასუხი შემდეგი სახით ყალიბდება: რუსეთ-საქართველოს 2008 წლის აგვისტოს კონფლიქტი იყო რუსეთ-უკრაინის 2009 წლის ”გაზის ომის” გამომწვევი  მნიშვნელოვანი  პოლიტიკური ფაქტორი.

ჰიპოთეზის გამამყარებელ არგუმენტად, ერთი მხრივ, აღწერილია აგვისტოს ომის დროს პიკს მიღწეული ეკონომიკური კრიზისი რუსეთში და მასთან დაკავშირებულია რუსულ - თურქმენულ - უკრაინული ენერგოურთიერთიერთობების თავისებურებები; მეორე მხრივ, კი ნაჩვენებია უკრაინა-საქართველოს სამხედრო თანამშრომლობა აგვისტოს ომის დროს და მისგან გამომდინარე რუსული მხარის აგრესიული  დამოკიდებულება უკრაინის მიმართ.

გაზის კონფლიქტის უკან პოლიტიკური მიზეზების არსებობის დასამტკიცებლად კვლევაში საჭირო ხდება რუსეთის პილიტიკის წარმართვაში გაზპრომის როლის განსაზღვრა. იგულისხმება მისი პროსამთავრობო ხასიათის ჩვენება.

ნაშრომში ქეისის თეორიული კუთხით მიმოხილვა ხდება რობერტ კიოჰეინისა და ჯოზეფ ნაის კომპლექსური ურთერთდამოკიდებულების თეორიის მეშვეობით, რაც საშუალებას იძლევა განისაზღვროს გარკვეული კანონზომიერებები კონფლიქტის როგორც უშუალოდ მიმდინარეობის აღწერის, ისე გამომწვევი ფაქტორების დასახელების დროს.

https://www.box.com/s/bac5476c36e268c3cbd6